មើលហាយឡាយ និងស្ថិតិនេះហើយ បានដឹងថា Toni Kross ខ្លាំងប៉ុណ្ណាក្នុង Super Cup យប់មិញ (មានវីដេអូ)
Toni Kross សាជាថ្មីម្ដងទៀត បានបង្ហាញនូវទម្រង់លេងដ៏ល្អក្នុងតំបន់បម្រើ ដោយអាចគ្រប់គ្រងបាល់ ប៉ះ និងបញ្ជូនឲ្យមិត្ដរួមក្រុមក្នុងជ័យជម្នះ ២-០ របស់ Real Madrid ទៅលើ Eintracht Frankfurt ក្នុងពានរង្វាន់ UEFA Super Cup កាលពីយប់មិញ។
Benzema ស៊ុតបញ្ចូលទីនៅនាទីទី៦៥ ក្រោយពីការបញ្ជូនដ៏ល្អពីមិត្ដរួមក្រុម Vinicius Junior ខណៈ១គ្រាប់ដំបូងធើ្វបានដោយការស៊ុតស្រួលៗពីសំណាក់ខែ្សការពារ David Alaba នៅនាទីទី៣៧ ខណៈ Casemiro តែតបញ្ជូនឲ្យរូបគេ ជួយ Real Madrid យកឈ្នះជើងឯក Europa League គឺ Eintracht Frankfurt ក្នុងលទ្ធផល ២-០ លើកពាន Super Cup ជាលើកទី៥។
យ៉ាងណាក្ដី អ្វីដែលធើ្វឲ្យអ្នកទស្សនាបាល់ទាត់មានការសរសើរនោះគឺការលេងរបស់ Toni Kross ទោះអាយុរៀងជ្រេក៏ពិតមែន ប៉ុន្ដែស្ថិតិនៃការលេងរបស់គេនៅតែល្អដោយ៖
-ប៉ះបាន ៩៧ប៉ះ
-បង្កើតឱកាស ៣ដង
-ប៉ះបាល់វែង ១២ដង
-ទប់មិនឲ្យគេស៊ុត ១ដង
-ស្កាត់បាល់ ៣ដង
-ឈូសឈ្នះ ៥ដង
សូមទស្សនាវីដេអូហាយឡាយនៃការលេងរបស់គេ ខាងក្រោម៖
ដោយ៖ KEILA News